"ஸ்பெக்ட்ரம்' விவகாரத்தில் சி.பி.ஐ., மற்றும் அமலாக்கப் பிரிவின் நடவடிக்கைகள் தொடர்பாக பல்வேறு வதந்திகள் சென்னையில் நேற்று பரவியது. இதற்கிடையே, முதல்வர் கருணாநிதியின் கோவை பயணம் திடீரென ரத்தானதாலும், சென்னையில் முன்னாள் அமைச்சர் ராஜா முகாமிட்டிருந்ததாலும் காலை முதல் இரவு வரை பரபரப்பு தொடர்ந்தது.
ஸ்பெக்ட்ரம் விவகாரம் தொடர்பாக, சி.பி.ஐ., தனது விசாரணையை துவக்கி, முதற்கட்டமாக தொலைத்தொடர்புத் துறையின் முன்னாள் அமைச்சர் ராஜா, அவரது செயலர்கள், உதவியாளர், நண்பர், சகோதரர் என பலரது வீடுகள் என சென்னை, டில்லி உள்ளிட்ட 14 இடங்களில் ரெய்டு நடத்தியது. சி.பி.ஐ., மற்றும் அமலாக்கப்பிரிவினர் நடத்திய இந்த ரெய்டு, தி.மு.க., தரப்பில் மிகப்பெரிய அதிர்ச்சியை ஏற்படுத்தியது.இந்நிலையில், "ராஜா மீதான குற்றம் நிரூபிக்கப்பட்டால், நடவடிக்கை எடுக்கப்படும்' என்று முதல்வர் கருணாநிதி தெரிவித்தார். சி.பி.ஐ., ரெய்டின் போது டில்லியில் இருந்த முன்னாள் அமைச்சர் ராஜா, 10ம் தேதி நள்ளிரவு சென்னை திரும்பினார். அதன் தொடர்ச்சியாக, நேற்று முன்தினம் முதல்வர் கருணாநிதியை ராஜா சந்தித்துப் பேசினார்.ராஜா வீடுகளில் நடந்த ரெய்டைத் தொடர்ந்து, சி.பி.ஐ., எந்த நேரத்திலும் ராஜாவை விசாரணைக்கு அழைக்கலாம் என்ற சூழல் உருவாகியுள்ளது.
இந்நிலையில், அரசு விழா மற்றும் தனியார் ஓட்டல் திறப்பு விழா நிகழ்ச்சிகளில் பங்கேற்பதற்காக முதல்வர் கருணாநிதி நேற்று கோவை செல்வதாக திட்டமிடப்பட்டு இருந்தது. ஆனால், நேற்று முன்தினம் இரவு தாம்பரத்தில் நடந்த நிகழ்ச்சியில் பங்கேற்று திரும்பிய முதல்வர் கருணாநிதியின் உடல்நிலை பாதிக்கப்பட்டதால், நேற்றைய கோவை பயணம் திடீரென ரத்தானது.அதற்கு பதிலாக, நேற்று காலை 11 மணிக்கு தலைமைச் செயலகத்தில் இருந்து, "வீடியோ கான்பரன்சிங்' மூலம் கோவை, "நிப்ட்' மையத்திற்கான அடிக்கல் நாட்டு விழாவையும், மாலை "லீ மெரிடியன்' புதிய ஓட்டலையும் திறந்து வைத்தார்.
தன் மீதான தேசிய பாதுகாப்பு சட்டத்தை சென்னை உயர்நீதிமன்றம் ரத்து செய்ததையடுத்து, வேலூர் சிறையில் இருந்து சீமான் விடுதலை ஆனார். சிறையில் இருந்து விடுதலையான சீமானுக்கு, நாம் தமிழர் இயக்கத்தினர் சிறப்பான வரவேற்பு அளித்தனர்.சிறையில் இருந்து வெளியே வந்த சீமான் செய்தியாளர்களிடம் பேசுகையில்,
8 வயது சிறுவன் ஒருவனின் நடனக் காணொளியானது தற்போது இணையத்தில் பெரும் வரவேற்பைப் பெற்றுள்ளது.ஹவாயில் வசிக்கும் அஞ்சலோ என்ற இச் சிறுவன் பிரோக் நடனத்தினால் பார்ப்பவர்கள் அனைவரினையும் ஆச்சர்யப்படவைக்கின்றான்.
சென்னை : ""நான்கரை ஆண்டுகளாக, தே.மு.தி.க., அழியாமல் இருப்பதற்கு மக்கள் தான் காரணம். மக்கள் இருக்கும் வரைக்கும். நான் அழிய மாட்டேன். நான் இருக்கும் வரை மக்களை அழிக்க விட மாட்டேன்''என தே.மு.தி.க., தலைவர் விஜயகாந்த் பேசினார்.
அமெரிக்காவின் புளோரிடா மாகாணத்தில் உள்ள, ஐ.ஐ.சி.எம்., பல்கலைக் கழகம் சார்பில், சிறந்த சமூகசேவை புரிந்ததற்காக, தே.மு.தி.க., தலைவர் விஜயகாந்துக்கு நேற்று கவுரவ டாக்டர் பட்டம் வழங்கப்பட்டது. சென்னை சேத்துப்பட்டில் நடந்த விழாவில், ஐ.ஐ.சி.எம்., பல்கலைக் கழக நிர்வாகி ஜான் வில்லியம்ஸ், டாக்டர் பட்டத்தை விஜயகாந்திற்கு வழங்கினார். இதில் சென்னை ஏ.சி.ஐ.,- டையோசிஸ் தலைவர் ஜெயக்குமார், விஜயகாந்த் மனைவி பிரேமலதா, கேப்டன் "டிவி' நிர்வாக இயக்குனர் சுதீஷ், உள்ளிட்ட பலர் பங்கேற்றனர்.
இவ்விழாவில் ஏற்புரை வழங்கி விஜயகாந்த் பேசியதாவது:நீங்களே சிறுபான்மையினர், எனச் சொல்லி உங்களை சிறுமைப் படுத்திக் கொள்ள வேண்டாம். நீங்கள் பெருபான்மையினர், என நிரூபிப்பதற்கு இன்னும் ஏழு மாதங்களே உள்ளது.தி.மு.க., அரசு சிறுபான்மை மக்களுக்கு எதுவுமே செய்யவில்லை. ஒரு கன்னத்தில் அறைந்தால் மறு கன்னத்தைக் காட்டு என ஏசுநாதர் கூறினார். காரணம் எத்தனை தடவை அடித்தாலும், ஒரு நாள் கைவலிக்கும். அது போல் மக்கள் பொறுமையாகவுள்ளனர். அரசன் அன்று கொள்வான்;தெய்வம் நின்றுக்கொள்ளும்.நான் சிறுவயதிலேயே நன்மை செய்தவன்; தீமை செய்யவில்லை. கபடம் இல்லாதவன் பாக்கியசாலி என்று பைபிள் வசனம் கூறுகிறது. அதனால் நான் பாக்கியசாலி தான். இவ்வளவு பிரச்னைக்கு இடையில் எனக்கு, டாக்டர் பட்டம் கிடைத்துள்ளதற்கு தெய்வம் தான் துணை நிற்கிறது. இவ்வளவு நாட்கள் எனக்கு டாக்டர் பட்டம் கிடைக்காமல் இருப்பதற்காக சிலர் தடுத்தனர்.
திருச்சபையை மீறி இந்த டாக்டர் பட்டம் எனக்கு எப்படி வந்தது என்று தெரியவில்லை. எல்லா மதங்களும் அன்பு, பண்பு, கருணை ஆகியவற்றை போதிக்கிறது. கூடாரங்கள் வேறாக இருந்தாலும் இதயங்கள் ஒன்றாக இருக்க வேண்டும். இலவசத்தை மக்களுக்கு கொடுத்து சோம்பேறி ஆக்குகின்றனர்.ஆலமர விழுதுகளாக எனது தொண்டர்கள், பொது மக்கள் எனக்கு பலமாக உள்ளனர். நான்கரை ஆண்டுகளாக, தே.மு.தி.க., அழியாமல் இருப்பதற்கு மக்கள் தான் காரணம். மக்கள் இருக்கும் வரைக்கும். நான் அழியமாட்டேன். நான் இருக்கும் வரை மக்களை அழிக்க விடமாட்டேன். தமிழகத்தில் ஊழலை அறுத்து, தூர எறிந்துவிட்டு, நோய்வாய் பட்டிருக்கும் மக்களுக்கு நல்வாழ்க்கை கொடுப்பதற்காகவே, எனக்கு இந்த டாக்டர் பட்டம் கொடுக்கப்பட்டுள்ளது. ஊழலற்ற ஆட்சியை, நான் கொடுப்பேன்; என்னால் அது முடியும். முடியாது என்பது முட்டாளுக்கு சொந்தம்; முடியும் என்பதே அறிவாளிகள் சொல்லும் வார்த்தை.இவ்வாறு விஜயகாந்த் பேசினார்.
இதைப் பற்றி
கருத்துக்கள் யாவும் வரவேற்கிறோம்......................
